माघ ७, चितवन ।
पत्रकार रमेशकुमार पौडेल खिचरा महोत्सव २०७५ को समापनको अवसरमा सोमवार सम्मानित हुनुभएको छ ।
पत्रकारिता मार्फत महोत्सवको प्रचारप्रसार , प्रवद्र्धन र थारु समुदायको उत्थानमा भूमिका निर्वाह गरेको भन्दै पत्रकार पौडेललाई सम्मनित गरिएको हो ।
पूर्वी चितवनको खैरहनीमा चलेको महोत्सवको समापनमा पत्रकार पौडेललार्ई प्रदेश नम्वर ३ का मुख्यमन्त्री डोरमणी पौडेलले नगद, दोसल्ला र सम्मानपत्र प्रदान गर्नुभएको थियो । पुरस्कारको राशी १५ हजार १५५ रुपैयाँ रहेको थियो ।
हाल कान्तिपुर दैनिक चितवनका संवाददाता पौडेल करिव दुई दशकदेखि पत्रकारितामा क्रियाशिल हुनुहुन्छ । महोत्सव आयोजक संस्था थारु कल्याणकारी सभा क्षेत्र ७ खैरहनीका अध्यक्ष चुडामणी चौधरीको सभापतित्वमा कार्यक्रम सम्पन्न भएको थियो ।
