चितवन, ६ माघ । नेकपामा प्रवेश गरेका नेपाली काँग्रेसका पुराना नेता तीर्थ भुसाललाई नेकपा चितवनले आज पार्टी कार्यालय भरतपुरमा स्वागत गरेको छ ।
हिजो मात्रै पार्टीको केन्द्रीय कार्यालय काठमाण्डौ धुम्वाराहीमा काँग्रेस पार्टीबाट नेकपामा प्रवेश गर्नु भएका भुसाललाई जिल्ला पार्टी कार्यालय भरतपुरमा कार्यक्रम गरी अविरमालाले स्वागत गरेको हो । कार्यक्रममा नेता भुसालले समृद्धिको सपना अहिलेका सरकार र नेकपाको नेतृत्वले पूरा गर्ने भएकाले आफू पार्टी प्रवेश गरेको बताउनु भयो ।
आफ्नो राजनीतिक जीवन यही पार्टीमा खर्च गरेर समाज सेवामा समर्पित हुने उहाले बचन दिनु भयो । जनताको पक्षमा काम गर्ने पार्टी नेकपा भन्दा अरु नेपालमा नरहेको भन्दै उहाले यसैमा सवैलाई लाग्न आग्रह समेत गनुृ भयो ।
कार्यक्रममा नेकपामा नेता घनश्याम दाहाल, यमवहादुर परियार, जेतेन्द्रबहादुर खड्कालगायतले नेता भुसाल पार्टीमा प्रवेश गरेपछि अझ मजवुद हुदै जानेमा विश्वास व्यक्त गर्नु भयो । आउदा दिनमा पार्टीको काममा उहाको सक्रिय भूमिका रहनेमा विश्वास गर्नु भयो ।
