२४ फागुन, चितवन–
भरतपुरमा रहेको कालिका मिडियाले डाक्टर शारदा थपलिया भट्टराईलाई ‘कालिका नारी शक्ति सम्मान’बाट सम्मानित गरेको छ ।
१०९ औं अन्तराष्टिय नारी दिवसका अवसरमा आज भरतपुरमा एक औपचारिक कार्यक्रमको आयोजना गरी डाक्टर थपलियालाई मिडियाका अध्यक्ष बिक्रम पाण्डेले सम्मानपत्र प्रदान गर्नुभयो ।
थपलियाले शैक्षिक क्षेत्रमा शसक्त योगदान पु¥याउनुभएको सन्दर्भमा सम्मानित गरिएको पाण्डेले बताउनुभयो । डाक्टर थपलिया कृषि तथा वन बिज्ञान बिश्वबिद्यालय रामपुरको पशुबिज्ञान, भेटेरिनरी तथा मत्स्य बिज्ञान संकायको डिन हुनुहुन्छ ।
कार्यक्रममा प्रदेश सभा सदस्य रिना गुरुङ्ग, महिला अधिकार कर्मी मिना खरेल लगायतले महिला शसक्तिकरणका पक्षमा राज्यवाट अझै प्रभावकारी कार्यक्रमहरु आउनुपर्नेमा जोडदिनुभएको थियो ।
