चितवन, २१ भदौ । पृथ्वी राजमार्ग अन्तर्गत चितवनको घोप्टेभीरमा आएको पहिरोले गर्दा मुग्लिन मलेखु सडक अवरुद्ध भएको छ ।
भारी वर्खापछि आएको पहिरोले शुक्रबार विहान ७ः३० बाट राजमार्ग अवरुद्ध भएको जिल्ला प्रहरी कार्यालय चितवनले जानकारी दिएको छ । लेदो सहित ठुलो पहिरो आएकाले पन्छाउन केही समय लाग्ने प्रहरीले जानकारी दिएको छ । अहिले पहिरो स्थलमा सुरक्षाकर्मी र डिभिजन सडक कार्यालयका प्रतिनिधिले काम गरिराखेको छ । पहिरो झरेपछि बाटो पूर्ण रुपमा बन्द भएको छ ।