चितवन । भरतपुर १० मा रहेको ओम शान्ती एकाडेमीका सुशान्त भण्डारीले यस वर्षको एसइइ परीक्षामा ३.९७ जीपीए ल्याउन सफल भएका छन् ।
ओम शान्तीबाट एसइइ दिएका मध्य ५० जना विद्यर्थीले यस वर्षको परीक्षामा उत्कृष्ट अंक ल्याउन सफल भएका हुन् । भरतपुर महानगर पालिका वडा नं. १० कटहर चोकमा रहेको विद्यालयमा उत्कृष्ट अंक ल्याउन भण्डारी अध्ययन संग अतिरिक्त कृयाकलापको प्रतिश्पर्धामा समेत उत्कृष्ट स्थान प्राप्त गर्दै आएको विद्यालयका प्राचार्य टेकवहादुर श्रेष्ठले जानकारी दिनुभयो ।
पढाइमा अब्बल रहेका भण्डारी कक्षा १ देखि अहिलेसम्म पहिलो स्थान प्राप्त गर्दै आएको उनका वुवा प्रशान्त भण्डारीले जानकारी दिनुभयो । भण्डारीपछि विद्यालयका आरभ दवाडीले ३.९२, प्रज्वल कडेलले ३.९१, दर्शन आचार्यले ३.९ जीपीए ल्याएका छन् । विद्यालयमा ३.८८ देखि ३.०१ सम्म ल्याउने विद्यार्थीको सख्या ४६ जना रहेको छ ।
साथै एकाडेमीमा कक्षा ११ र १२ मा व्यवस्थापन र विज्ञान संकायमा अध्यान हुदै आएको छ ।
