काठमाडौं २८ कबगल। प्रमुख प्रतिपक्षी नेकपा एमालेले आइतबार विशेष पत्रकार सम्मेलनको आयोजना गर्दैछ ।
आज दिउँसो पौने १ बजे एमाले केन्द्रीय कार्यालय च्यासलमा पार्टी अध्यक्ष केपी शर्मा ओलीको प्रमुख आथित्यतामा विशेष पत्रकार सम्मलन आयोजना गरिएको हो ।
पत्रकार सम्मेलनमार्फत वर्तमान समसामयिक राजनीति र संसदको गतिरोधलगायत विषयमा पार्टीको औपचारिक धारणा सार्वजनिक गरिने एमाले केन्द्रीय प्रचार तथा प्रकाशन विभागका सचिव गगन बिष्टले जानकारी दिएका छन् ।
एमालेले सुन तस्करी प्रकरणबारे पनि धारणा सार्वजनिक गर्ने बताइएको छ । सुन तस्करी प्रकरणको छानविनका लागि संसदीय समिति गठनको माग गर्दै आएकाले एमालेले पछिल्लो समय यसै विषयलाई लिएर संसदका दुबै सदन अवरुद्ध पार्दै आएको छ ।
