गोरखा । गोरखामा जन्ती बोकेको जिप दुर्घटना हुँदा ५ जनाको मृत्यु भएको छ भने १२ जना घाइते भएका छन् । मृत्यु हुनेमा ४ जना पुरुष र एक जना महिला रहेका छन् ।
सहिद लखन गाउँपालिका–२ सिलिङमा पोखरी डाँडाबाट जन्ती बोकेर फर्कँदै गरेको प्रदेश ३–०१०२३ नम्बरको जिप घुम्तीबाट २ सय ५० मिटर तल खस्दा दुर्घटना भएको प्रहरीले जनाएको छ ।
मृतकहरुको सनाखत हुन बाँकी रहेको र घाइतेहरूको तनहुँको आबुखैरेनीमा उपचार थालिएको गोरखाका डिएसपी लीलाराज लामिछानेले जानकारी दिए । १९ जना सवार रहेको जिपमा २ यात्रु सकुशल रहेको उनले बताए ।दुर्घटनास्थल निकै तल खोंचमा रहेकाले घाइतेहरुको उद्धारमा कठिनाइ भएको उनले बताए ।
दुर्घटनास्थलमा अहिले नेपाली सेना, सशस्त्र, प्रहरी र स्थानीय लगायतले उद्धार गरिरहेको प्रहरीले जनायो । कान्तिपुरबाट
