चितवन । हरितालिका तिज पर्वलाई लक्षित गरेर बाल गायक प्रिन्स सिल्वालको बुट्टे सारी ल्याउने भएका छन् । बाध्यताले विदेशीनुपरेको बुबा,भड्किलो बन्दै गएको तिजमा आमा र छोराबीचको झगडालाई गीत मार्फत ल्याउने तयारी गरेका हुन । गीतको पहिलो पोष्टर आजै सार्वजनिक गरिएको छ ।
गीतको म्यूजिक भिडियोको तयारी अन्तिम चरणमा पुगेको छ । छायांकन सकेर सम्पादनको अन्तिम चरणमा रहेको प्रिन्सका बुबा रमेश सिल्वालले जानकारी दिनुभयो ।
यो पटक प्रिन्स सिल्वाललाई सन्ध्या बुढा (काउलीबुढी)ले साथ दिनुभएको छ । सिताराम सिल्वालको शव्द,अर्जुन पोखरेलको संगीतलाई अदेश गुरुमछानले एरेन्ज गरेका हुन । म्यूजिक भिडियोमा गायक प्रिन्स सिल्वाल सँगै सन्ध्या बुढा, नर्मता शर्मा लगायतका कलाकारले अभिनय गरेका छन् ।
सन्तोष राजभक्तको कोरियोग्राफी रहेको भिडियोमा माधव शर्माले निर्देशन गरेका छन भने गीतलाई छायांकन तथा सम्पादन अनिल कटवालले गरेका हुन । यो भिडियोलाई प्रिन्स सिल्वालकै अफिसियल यूटुबबाट सार्वजनिक गर्ने तयारी छ । काठमाण्डौंकै सेरोफेरोमा गीतको छायांकन गरिएको हो । यस अघि गायिक सिल्वालको दशै मनाउने हो, माया लाग्छ नेपालको, सरोज खनालको अभिनय रहेको बाबा, ट्राफिक हाम्रै साथी बोलको जनचेतना मुलक गीत सार्वजनिक भइसकेको छ ।
