चितवन ३ असार । नेपाल सर्ट फिल्म अवार्ड २०७९ बाट निर्माता विनोद मिश्र पुरस्कृत हुनु भएको छ ।
शुक्रबार काठमाण्डौमा आयोजना भएको कार्यक्रममा सर्वोत्कृष्ठ फिल्म ‘थर्डआइ’ बाट पुरस्कृत हुनु भएको हो । स्टार इन्टरटेन्मेन्ट प्रालि काठमाण्डौले आयोजना गरेको कार्यक्रमबाट नेपाल वार एसोसियसन चितनवका सचिव समेत रहनु भएका अधिवक्ता मिश्र ट्रफिका साथ सम्मानपत्रले सम्मानित हुनु भएको थियो ।
यही फिल्मबाट सर्वोत्कृष्ट चलचित्र निर्देशक आँशुतोष अधिकारी , सर्वोत्कृष्ठ चलचित्र नायिका तर्फ कमला अधिकारी सम्मानित हुनु भएको हो । आफू मर्नु भन्दा अगाडि सवैजनाले आखा दान गरौ भन्ने सन्देशका साथ ‘थर्डआइ’ लघु चलचित्र तयारी पारिएको हो । सामाजिक विषय वस्तुलाई कलात्मक तरिकाले प्रस्तुत गरिएको छ ।
