काठमाडौं, ६ साउन । यातायात व्यवसायीले आउँदो बिहीबार (साउन ८ गते) देखि सार्वजनिक गाडी चलाउने घोषणा छन् ।
आज (मंगलबार) काठमाडौमा संयुक्त पत्रकार सम्मेलन गर्दै नेपाल यातायात व्यवसायी राष्ट्रिय महासङ्घ र यातायात मजदुरका तीन वटा ट्रेड युनियनले बिहीबारदेखि गाडी चलाउने घोषणा हुन् ।
महासङ्घका महासचिव सरोज सिटौलाले जोर–बिजोर प्रणालीमा गाडी चलाउने निर्णय गरेको जानकारी दिएका छन् । यस्तै यातायात व्यवसायीले लामो दूरीमा पनि गाडी चलाउने तयारी गरेका छन् । तर यस विषयमा सरकारले कुनै निर्णय गरिसकेको छैन ।
छोटो दूरीमा सुरक्षा मापदण्ड अपनाएर सार्वजनिक गाडी चलाउने सरकारले निर्णय गरे पनि नेपाल यातायात व्यवसायी राष्ट्रिय महासङ्घ र यातायात मजदुरका ट्रेड युनियनले गाडी चलाउन मानेका थिएनन् । अन्य सार्वजनिक गाडी भने गएको असार २९ गतेदेखि नै चल्न थालेका हुन् ।
