चितवन, २९ असार ।
युवा संञ्चार उद्यमी नबिनराज पौडेल काँग्रेस चितवनकाे जिल्ला कार्यसमिति सदस्यमा मनोनित हुनुभएको छ । काँग्रेसले उहाँलाई आमन्त्रीत सदस्यको रुपमा मनोनित गरेको हो ।
कांग्रेसका क्षेत्रिय प्रतिनिधि नवीनराज पौडेल मनोनित गरिएको पत्र काँग्रेस चितवनका सभापति जीतनारायण श्रेष्ठले प्रदान गर्नु भएको हो । पार्टीको विधान, निर्देशन तथा निर्णयको अनुसरण गर्दै पार्टीले पौडेललाई आइतवार आमन्त्रित सदस्यमा मनोनित गरेको हो ।
पौडेल लामो समयदेखि पार्टीको विभिन्न तहमा रही काम गर्दै आउनु भएको छ । उहाँ नेपाली कांग्रेस प्रचार विभाग सदस्यको रुपमा काम गरिसक्नुभएको छ । पार्टीको प्रतिष्ठा, हित र संगठन विस्तार लगायतका काम पौडेल क्रियाशिल हुनुहुन्छ ।
साथै पौडेल दुई दशकदेखि संचार क्षेत्रमा आबद्ध हुनुहुन्छ । उहाँले चितवनमा रहेर भरतपुर एफ.एम, भरतपुर पोष्ट, भरतपुर अनलाईन टीभी लगायतका सञ्चार माध्यम सञ्चालन गर्दै आउनु भएको छ । उहाँ चितवन नवलपुर प्रसारण मञ्चको संयोजकको समेत रहनुभएको छ ।
