चितवन १ जेठ । अनेरास्ववियुको स्थापना दिवसको अवसर पारेर पूर्वी चितवनको खैरहनीमा रक्तदान कार्यक्रम सम्पन्न भएको छ ।
वन्दावन्दीको कारण रगतको अभाव भएको भन्दै पूर्वी चितवनको तीनवटा क्याम्पस कमिटीको आयोजनामा रक्तदान कार्यक्रम सम्पन्न भएको हो । खैरहनी नगरपालिका वडा नंं ६ मा भएको कार्यक्रममा १०४ जनाले रक्तदान गरेका थिए ।
अनेरास्ववियू भुवानीशंकर क्याम्पस कमिटी अध्यक्ष केशव रेग्मीको अध्यक्षतामा भएको कार्यक्रममा नेकपा क्षेत्रीय अध्यक्ष घनश्याम कडेलको प्रमुख आतिथ्यता रहेको थियो । रक्तदान भनेको जीवनदान हुने भन्दै यसको वारेमा कडेलले चर्चा गर्नु भएको थियो ।
कार्यक्रममा नगर इन्चार्ज हिरा गुरुङ, नेकपा जिल्ला सदस्यहरु लक्ष्मी ढकाल, रामचन्द्र पाठक, कुलप्रसाद भुसाल, रामेश्वर पोख्रेल, केशव कंडेल, उद्योेग बाणिज्य संघ प्रदेश सदस्य ज्ञानु बिसुराल, राप्ती नगरपालिका वडा ४ का अध्यक्ष शम्शेर लामालगाएतको उपस्तिथी थियो । कार्यक्रम अनेरास्ववियू जनआदर्श कमिटी अध्यक्ष जयराम सापकोटाले संचालन गर्नु भएको थियो भने सहिद स्मृति अध्यक्ष सरोज तिमिल्सिनाले स्वागत मन्तव्य राख्नु भएको थियो ।
