बुधबार साँझ ६ बजेदेखि बालुवाटारमा सुरू सचिवालय बैठकमा पार्टीको आन्तरिक समस्या, एकता सुदृढीकरण, सरकारको काम-कारबाही र केही नेताहरूले माग गरेको स्थायी समिति बैठकबारे छलफल भएको नेता नारायणकाजी श्रेष्ठले जानकारी दिए।
‘सचिवालय बैठकले यी सबै विषयमा अहिलेको आवश्यकतासँग मेल खाने, पार्टीलाई एकताबद्ध ढंगले अघि बढाउने र जनताले दिएको जनादेशअनुसार सामाजिक-आर्थिक रूपान्तरण प्रक्रियालाई पनि अगाडि बढाउने सन्दर्भमा उपयुक्त निर्णय लिनेछ,’ बैठकपछि पत्रकारहरूसँग कुरा गर्दै श्रेष्ठले भने, ‘यसबीच पार्टीको नेतृत्व टोलीले अनौपचारिक गृहकार्य पनि गर्नेछन्।’
नेकपाको दुवै समूह (प्रधानमन्त्री केपी ओली र पुष्पकमल दाहाल प्रचण्ड- माधवकुमार नेपाल समूह) ले आफ्नो पक्षमा बहुमत देखाउन सांसदको हस्ताक्षर अभियान चलाइरहेका बेला सचिवालय बैठक बसेको हो।