पुष २२ -भर्खरै अष्टे«लियामा बिग ब्यास खेलेर आफनो उत्कृष्ट प्रर्दशनको कारण चर्चामा आएका सन्दीप लामिछाने यतिबेला बंगलादेश रहेका छन् । बिग ब्यासको खेललाई बिचमै छोडेर बंगलादेश प्रिमियर लिग (बीपीएल) खेल्न पुगेका सन्दीपले त्यहाँ पनि डेब्यु खेलमा विकेट लिन सफल भएका छन् । नेपाली स्पिनर उनले कोमीला भिक्टोरियन्सविरुद्धको खेलमा २ विकेट लिएका हुन् ।
सिलेट सिक्सर्सबाट लिग खेलिरहेका सन्दीपले १३औं ओभरको अन्तिम बलमा सोहेब मल्लिकलाई आउट गर्दे आफनो खाता खोले भने उनले चौथो ओभरको दोस्रो बलमा अनमुल हकलाई बोल्ड गर्दे विकेट लिए । उनले खेलमा ४ ओभर बलिङ गर्दै १६ रन खर्चिएर २ विकेट लिएका हुन्। उनले बिग ब्यासमा मात्र ८ विकेट लिईसकेका छन् ।
