सेनाका मेजर सिंह ब्राउन सुगरसहित इटहरीबाट पक्राउ

इटहरी २५ साउन । नेपाली सेनाका मेजर अजितप्रताप सिंह लागूऔषधसहित इटहरीबाट पक्राउ परेका छन् ।

लागूऔषध नियन्त्रण ब्युरो, काठमाडौं र इलाका प्रहरी कार्यालय, इटहरीको संयुक्त टोलीले उनलाई सेनाको पूर्वी पृतना छेऊबाट आज(शनिबार) पक्राउ गरिएकाे हाे।उनको साथबाट डेढ ग्राम लागूऔषध ब्राउन सुगर बरामद भएको छ ।

सैनिक अधिकृतले गरेको कसूरको अनुसन्धानका लागि प्रहरीले नेपाली सेनाको सैनिक प्रहरी गणलाई बुझाउने गरिदै आएपनि लागूऔषध सम्बन्धी कसूर भएकाले उनीविरुद्ध प्रहरी आफैंले म्याद थप गर्ने भएकाे छ ।

आइतबार म्याद थप गरेर विस्तृत अनुसन्धान थाल्ने इटहरीका डीएसपी समिरचन्द्र खरेलले बताए ।

शेयर गरौ