जापानिज इन्सेफलाइटिस क्युलेक्स जातको पोथी लामखुट्टेको टोकाइबाट मानिसमा सर्ने किटजन्य सरुवा रोग हो। यो लामखुट्टे सुँगुर, बंगुर, हाँस जस्ता पशुपक्षीलाई टोकेपछि मानिसलाइ टोक्यो भने सर्दछ। मानिस बाट मानिसमा सर्दैन ।
यस रोगमा लक्षणहरु
अचानक उच्च ज्वरो आउनु ।
बेस्सरी टाउको दुख्नु ।
बान्ता हुनु ।
शरिर काम्नु ।
घाँटी अररो हुनु ।
बेहोस हुनु ।
यो रोग लागे पछि पक्षघात हुने, अपाङ्ग हुने र अन्त्यमा मृत्यु समेत हुन सक्दछ। त्यसैले यो रोगको कुनै पनि लक्षण देखिना साथ बिरामीलाई जति सक्दो चाँडो नजिकको अस्पतालमा लैजानु पर्दछ ।
यसबाट बच्ने उपायहरु
लामखुट्टेको टोकाइबाट बच्ने ।
घरवरिपरी पानी जम्ने खाल्डाखुल्डी पुर्ने ।
वालवालिकालाई यो रोग विरुद्धको खोप लागाइदिने ।
सुंगुर, बंगुर, हाँस जस्ता घर पालुवा पशुपंक्षीहरुलाई व्यवस्थित तरिकाले घर देखि टाढा राखी पाल्ने ।
सम्भव भए सम्म घरको झ्याल ढोकामा मसिनो जाली हाल्ने ।
बागमती प्रदेश सरकार
स्वास्थ्य मन्त्रालय
स्वास्थ्य निर्देशनालय
जनस्वास्थ्य कार्यालय, चितवन
