चितवन, । चितवनको सेन्ट्रल मोडल कलेजले सिम्याट परीक्षा दिन आउने चितवन र नवलपुरका विद्यार्थीलाई निःशुल्क बस सेवा उपलब्ध गराउने भएको छ । भदौ १५ गते भरतपुरको वीरेन्द्र क्याम्पसमा हुने परीक्षामा सहभागि हुने विद्यार्थीलाई कलेजले निःशुल्क बस सेवा उपलब्ध गराउने भएको हो । त्रिभुवन विश्वविद्यालयले यही भदौ १५ गते बिहान ८ बजे लिने सिम्याट परीक्षाको सेन्टर भरतपुरको बीरेन्द्र क्याम्पस परेको छ ।
कलेजले यसै बर्षदेखि त्रिभुवन विश्वविद्यालय सम्बन्धित बीआईएम र बीएचएमको ४ बर्षे कार्यक्रमहरु अध्याधुनिक सुविधासम्पन्न भवनमा अन्तर्राष्ट्रिय स्तरबाट सञ्चालनमा ल्याएको छ । यहाँ बीआईएम र बीएचएमका लागि ६६र६६ जनाको दुईरदुई सेसन राखिएको छ । चितवनमा पहिलोपटक पढ्दै कमाउँदै योजना ल्याएको यस कलेजले सय प्रतिशत जागिरको सुनिश्चितता गरेको कुरा कलेजका अध्यक्ष यज्ञविलास ९वाइबी० पौडेलले जानकारी दिनुभयो । उहाँले कलेजमा निर्धारित कोटामध्ये केही कोटा मात्र बाँकी रहेको बताउनुभयो ।
कलेजमा रिसर्च आधारित कक्षाहरु,व्यवहारिक प्रयोगशाला,विभिन्न संस्थागत भ्रमण,प्रस्तुती र उद्यमशील गतिविधिहरुको समाबेश गरिएको छ । बीआईएम र बीएचएमका विद्यार्थीहरुका लागि आधुनिक पुस्तकालय,अनलाइन शैक्षिक स्रोतको पहुँच,छात्रावास र क्यान्टिनको पनि सुविधा रहेको कलेजले जनाएको छ । कलेजले उद्योग साझेदारी मार्फत व्यवहारिक तालिम र इन्टर्नशिपको अवसरपनि दिइने कलेजका प्रिन्सिपल डा।टीआर चालिसेले जानकारी दिनुभयो ।
