तनहुँ, २१ फागुन ।
तनहँुको घाँसीकुवामा जीप दुर्घटना हुदा दुईजनाको मृत्यु भएको छ । तीनजना घाईते भएका छन् ।
छिर्कनेबाट दमौलीतर्फ आउँदै गरेको ग १ ज २९०७ नम्बरको जीप पृथ्वी राजमार्गको घाँसीकुवामा टायर पड्कीयर असन्तुलीत हुन गई दुर्घटना हुनपुगेको थियो । घटनामा परी जीपमा सवार बन्दीपुर नगरपालिका–३ रामकोटका ७५ वर्षीय बुद्धिबहादुर थापा र जीप चालक व्यास नगरपालिका–१४ केशवटारका ३५ वर्षीय बिमल घर्तीमगरको मृत्यु भएको हो ।दुर्घटनामा घाइते भएका तीन जनाको दमौली अस्पतालमा उपचार भइरहेको छ ।
द्रुत गतिमा रहेको जीपको अगाडिको टायर पड्किएपछि असन्तुलित भई सडकबाट झण्डै ५० मिटर तल खसेको प्रहरीले जनाएको छ ।
