चितवन। उद्योग वाणिज्य संघ चितवनको परिसरमा जारी महिला उद्यमी मेला सकिएको छ । मेलाको एक औपचारिक कार्यक्रमका विच समापन गरिएको हो । उद्योग वाणिज्य संघ चितवनका अध्यक्ष एवं मेला मुल आयोजक समितिका संयोजक चुननारायण श्रेष्ठको अध्यक्षतामा सम्पन्न समापन कार्यक्रममा जिल्ला समन्वय समिति चितवनकी उपप्रमुख कल्पना काफ्ले सापकोटा प्रमुख अतिथी रहनु भएको थियो । कार्यक्रममा वोल्दै प्रमुख अतिथी सापकोटाले मेलाले चितवन र आसपासका महिलाहरुलाई उद्यमी बन्न प्रेरित गरेको वताउँदै मेला आयोजक उद्योग वाणिज्य संघ चितवनलाई धन्यवाद ज्ञापन गर्नु भयो । महिला उत्पादनमा जोडिनु आवश्यक रहेको वताउँदै उहाँले उत्पादनमा नजोडिएसम्म महिला आत्मनिर्भर बन्न नसक्ने दावी गर्नु भयो ।
कार्यक्रमकी विशेष अतिथी भरतपुर महानगरपालिका महिला बालबालिका शाखाकी निर्देशक शान्ता कुमारी पौडेलले महिलालाई आत्मनिर्भर नबनाएसम्म समृद्ध समाजको परिकल्पना गर्न नसकिने वताउँदै महिलाहरुको उद्यमशिलता विकासमा भरतपुर महानगरपालिकाले विशेष जोड दिँदै आएको र आगामी दिनमा पनि यस्ता कार्यक्रमलाई प्राथमिकिता दिने जानकारी दिनु भयो । कार्यक्रममा उद्योग वाणिज्य संघ चितवनका अध्यक्ष चुन नारायण श्रेष्ठले मेलाको वारेमा जानकारी गराउँदै स्वागत मन्तव्य व्यक्त गर्नु भएको थियो ।
महिला उद्यमिका समस्याहरु समाधानार्थ बिबिध कार्यक्रम सञ्चालन गर्दै आइरहेको राष्ट्रिय तथा अन्तराष्ट्रिय स्तरमा समेत पुरस्कृत हुन सफल उद्योग वाणिज्य संघ–चितवनले महिला उद्यमशिलता विकास र यसको प्रबद्र्धनमा योगदान पु¥याउंने उदेश्यले प्रत्येक बर्ष महिला उद्यमी मेला आयोजना गर्दै आएको छ । ९ हजार दर्शकहरुले मेला अवलोकन गरेको जानकारी दिँदै उद्योग वाणिज्य संघ चितवनका कार्यकारी निर्देशक निल बहादुर केसीले मेलामा ३० लाख रुपैया वरावरको आर्थिक कारोवार भएको जानकारी दिनु भयो ।
