काठमाडौं ।
नेपाली सुन बजारमा आइतबार सुनको मूल्यमा एकै दिन २० हजार ५ सय रुपैयाँको उल्लेखनीय वृद्धि भएको छ।
नेपाल सुनचाँदी व्यवसायी महासंघका अनुसार शनिबार प्रतितोला २ लाख ९० हजार ६ सय रुपैयाँमा कारोबार भएको छापावाल सुनको मूल्य आइतबार बढेर प्रतितोला ३ लाख ११ हजार १ सय रुपैयाँ पुगेको छ।
यो वृद्धि नेपाली सुन बजारको इतिहासमै एक दिनमा भएको ठूलो मूल्यवृद्धिमध्ये एक मानिएको छ।
त्यसैगरी, चाँदीको मूल्य पनि बढेर प्रतितोला ५ हजार ३४५ रुपैयाँ कायम भएको महासंघले जनाएको छ।
अन्तर्राष्ट्रिय बजारमा सुनको मूल्यमा आएको उतारचढाव, अमेरिकी डलरको अवस्था तथा विश्व आर्थिक परिस्थितिका कारण स्थानीय बजारमा समेत सुनचाँदीको मूल्य प्रभावित हुने गरेको छ ।
